الرئيسية
![][كلما قلت احبكـ طابت جروحي ][ بقلمي Vote_rcap1](https://2img.net/i/fa/m/vote_rcap1.gif){kind=small}
![][كلما قلت احبكـ طابت جروحي ][ بقلمي Vote_lcap1](https://2img.net/i/fa/m/vote_lcap1.gif){kind=small}
[100%] 
مرحبآآ
كيف الحال ؟؟ انشالله بخير ..
اليوم بحط لكم رواية كتبتها لكنها تختلف عن باقي الروايات لانها بالصفواني <<لاتقولو ماتعرف تكتب فصحى ترا اني ام الفصحى بس حبيت اغير شوي !!مداح نفسه يبي له رفسه !!هع هع
المهم اتمنى اشوف تفاعلكم ويا الرواية والا ماقدر اكملها لاني استانس لمن اشوف تشجيع وبس ماعندي كلام اكثر اقوله بس كلمة احبكم واجد واتمنى تستانسوا بقرايتها
البدآيـة ..
][كلما قلت احبكـ طابت جروحي ][
كيف الحال ؟؟ انشالله بخير ..
اليوم بحط لكم رواية كتبتها لكنها تختلف عن باقي الروايات لانها بالصفواني <<لاتقولو ماتعرف تكتب فصحى ترا اني ام الفصحى بس حبيت اغير شوي !!مداح نفسه يبي له رفسه !!هع هع
المهم اتمنى اشوف تفاعلكم ويا الرواية والا ماقدر اكملها لاني استانس لمن اشوف تشجيع وبس ماعندي كلام اكثر اقوله بس كلمة احبكم واجد واتمنى تستانسوا بقرايتها
البدآيـة ..
][كلما قلت احبكـ طابت جروحي ][
البـآرت الاول ::
في بيت وسط حي الامل كان تفصيله بسيط وفي وقت الليل كانت واقفة قدام المراية ترتب في شكلها قالت وهي تتأفف:
-اوف واحين ويا هالشعر الي يشوفه يقول حريقة شابة
سمعتها اختها الصغيرة وقالت :
-حورو ترا قلت ليش مافي فيدة انتين شعرش فنش خلاص ميت
-اقول وتينو اكرميني بسكوتش ها لاافقع السشوار فوق راسش وبعدين ويش مفكرة شعرش ترا اعظم من شعري ياحمارة
-ماحد غيرش الحمار صحيح انش ماتستاهلي النصيحة وبعدين وش جاب لجاب شعري وشعرش الفرق بين الارض والسما انتين الرمل الا في الارض واني الغيوم الا في السما
-ترا واجد ماخدة مقلب على نفسش اطلعي احسن لش لااكفخش
-يلا ان كان فيش خير
-ترا صحيح اسويها
-يلا له سوي الا تمبيه
ركضت حوراء لوتين ومسكتها من يدها وسحبتها ووتين تحاول تفك ايدها بس مي قادرة حدفتها حوراء على الارض برا وسكرت باب الغرفة بالمفتاح وسمعتها تطق على الباب وتقول ليها :
-هي اتين ياكلبة افتحي الباب
-خيسي برا في الحر مابفتحه ليش
رفست الباب برجلها وتين وقالت :
-خبلة
-محد غيرش
مسكت حوراء فستان اصفر ولبسته كان جميل في تفصيله بس لونه فاقع لكنها ماهتمت مسكت كحلة وجت بتحط ليها لكن الكحلة مالت وصار شكلها تحففة رفست الكبت برجلها وقالت :
-اوف يعني اني الصراحة اشك اني بنية ماعرف حتى احط كحلة زي البنات وشو دا ؟ والله قهر صديقاتي كل يوم وحاطين ليهم داك الروج وديك الكحلة والكريم اساس الا اني ولاوي يعني ؟
ظلت تتحنطب وهي مقهورة اما وتين من زمان مشت من عند الباب .
][حوراء :بنت سمرة ، طويلة ، جسمها عادي لادبدوبة ولا ضعيفونه ،شعرها كستنائي بس مايبين عدل اللون وطويل لعند ظهرها،ماتهتم بشكلها ابدن دايما رافعة شعرها وماتمشطه الا في الثلاث شهور مرتين الا اذا كان عدهم عرس لازم تتكشخ مسوا امها تحن عليها حنة مي صاحية ماتحب تتعدل بس لمن تصير عندها مناسبة تقعد تندب حضها وتقول اوف ياليتني اعرف البس واتمكيج زي خلق الله ملابسها رايحين فيها لانها ماتحتفض بملابسها كلا ترميهم اذا ماعجبوها ومايهمها راي الناس الثانييين وعندها بلوزتين فيهم شق صغير لكن لسا تلبسهم عمرها 16 سنة بـآولى ثانوي ومشاغبة حد امها ولاترضى تسكت لاي معلمة ودائما ابوها يهزأها بس مافي فيدة ][
][وتين :بنوته قصيرونه شعرها لعند كتفها لونه الكستنائي واضح اكثر من اختها وانعم شوي ،سمرا ولسانها حده طويل ومشاغبة زي اختها ولايتكلمو بوفاق هي وياها الا اذا كانت السالفة عن شبقات دبدوبه شوي ولبسها وكشختها عادية يعني اشوه من اختها بس موبوايد ، عمرها 14 سنة بثاني متوسط ][
وفي بيت ثاني واقفة تلعب مع اخوها الصغير علي في بيت جدها قالت له بمكر :
-اسمع انت احين غمض عواينك له واني بنخش
-انزين بس اسمعي نورو اياني واياش تروحي تتغبي فوق ها
-لاتحاتي اني مابروح فوق لان مقفل
-أي يالله اجل
-يالله
غمض عواينه وصار يعد الارقام اما هي فراحت غرفة عمتها صفية وانخشت ورا الباب والغرفة ضلمة خلص من العد وجا يدور وهي تعمدت تطلع صوت لمن دقت الكبت عرف انها في الغرفة وجا فتح الباب ودخل وقال وهو في الضلمة :
-اعرف انش هنا يلا اطلعي والا بطلعش بنفسي
تحركت بهدوء لمن شافته يدور في الكباته وطلعت وسكرت الباب وبالمفتاح الي اخدته من داخل اما هو فانتبه وصرخ:
-وش صايررررر ؟ افتحواا الباب دامن سكره انا هنا ترا
قامت تضحك بهدوء وهي تسمع صوته يصيح ويكمل :
-عليي ياويلي والله انا اخاف ساعدوني انقذوني <<متأثر بالكراتين
صار يصرخ وقالت ليه:
-احسن تستاهل ضل هنا اجل امس اقوليك اعطيني ملاس ماعطيتني
-نورو افتحي الله يخليش افتحي
-ماني ضل هنا
-بعطيش أي حاجة تمبيها
-لالالا اقعد هنا
-علي وربي اني اسف
-اولشي قول انا اسف ياسيدتي نوارة ولن اعيدها مرة اخرى <<اخته مثله
-مانا مابقول وشو انتين موسيدتي
-اجل خيس اهنا ولاتنسى انك ماتشوف حبة المكيف وبتخيس من الحر وبعدين مافي احد هنا الا جدتي وعمتي لميا وثنتينهم نيمين
-عليي !! الله يخليش اختي يلا افتحي
-احين صرت اختك امس تسميني صاقعة البيت واحين تقول اختي تفكرني هبلة ها
-يلا اختي لاتصيري حمارة اقصد لاتصيري قاسية
-بعد وياوجهك تتجرأ وتقول عني حمارة ها
-صدقيني ماقصدي ئه وش تبيني اقول عشان اتصدقي ؟
-ولاحاجة
-انزين ويش تمبي حاجة فانية علشان تطلعيني <<عود
-ابغاك تحلف انك بتعطيني جلكسي لمن يشتري لك ابويي
-والله وقسم بايات ربي بعطيش <<مسهل الحلف عند اليهال
-خلاص اجل بطلعك
فتحت الباب وطلع بعدما مسح دموعه وصار وجهه احمر من القهر والخوف مسك شعرها الطويل وسحبه ورفسها وقال:
-احمارة ياكلبة اجل تفكري نفسش ابضاية يعني <<يشاهد باب الحارة
-آآه هدني ترا برويك حاجة ماشفتها حتى في احلامك
-يلا ان كان فيش خير
-ترا هالمرة اذا سويت فيك مقلب ماساعدك
-ماتقدري
-اقدر ترا هدنييييييي
-مانا
طلعت على الساعة وقالت:
-يؤؤؤ الحق ترا تاز المشاكس ابتدى علي بيفوتك دكي الساعة 4 ونص ياعلي
طلع على الساعة وشافها 4 ونص صحيح حس بروحه منصدم وهد شعرها وهو يصرخ :
-علييي بينتهي كله من سبتش هبلة غبية لوماحبستيني ماصار هلون
رفسها رفسه على بطنها وقالت وهي تتالم:
-روح يلا ترا بيخلص يلااااا
ركض للتلفزيون وشغله وصار يتابع اما هي فقالت :
-وش هاالاخو كلب مقطع اوف
مشت للمطبخ واخدت ليها غرشة ماي من الثلاجة وشربتها .
][نور:عمرها 10 سنوات بس عليها ذكاء موطبيعي وعندها افكار جهنمية شعرها طويل وفيها جمال رهيييب ][
][علي :اخ نور الصغير عمره 8 سنوات اذا عصب يتزلزل البيت لانه يحدف كل شي حواليه ويضرب الي يعصبه ضربات تدحنه يحب كرة القدم والكراتين وخصوصا تاز المشاكس يموت من الوناسة لمن يبتدي ويرقص ويا الاغنية مايشتهي المدرسة ابد ][
وفي بيت ثالث كان واقف قدام المراية ويناظر نفسه ومخلص غرشة العطر وهو يرشها على جسمه ويغني :
-كل البنات بتحبك كل البنات حلوين
مسك المشط وصار يمشط في شعره الي مطولنه لكتفه وقاصنه تدريج طلع على نفسه نظرة اخيرة ورسل بوسه للمنضرة وطلع
][بطلنا الثاني يوسف :الولد الوحيد وعمره 23 سنة ويدرس هندسة معمارية وهدي اخر سنة له جميييل ابيضاني وطويل شعره ناعم وفيه غمازة ع خده اليمين عنيد وراسه يابس ومرة يحب نفسه ويعتبر حاله ملك جمال ][
نزل تحت ووقف لمن شاف خواته لجين وبتول ومروى قاعدين يشاهدوا فلم ولجين تصيح طلع عليها وقال ليها بصوت عالي :
-ولاخير انتون ماتيوزو عن المتابعة اختكم بجيها انهيار عصبي مسواكم
ردت عليه بتول :
-والله ويش دخلك وبعدين وش جابك احين تقطع علينا الفلم ياعديم الاحساس
-انتين ترا قاعد يطول لسانش وايد وباكفخش يوم من الايام وانا ولد ابو يوسف
-نعم !! ترا وايد شايف حالك ها لاتغتر صير اول شي زي راشد الماجد بجماله وبعدين اتكلم ها
-ماعندش الاكلمة ها؟
-سخييف انقلع عن وجهنا احسن لك والا بنادي ابويي
-انتين السخيفة وانا احين بطلع تفكري اني ميت ع القعدة وياكم
-تموت وتتدحن بعد بس احنا مانعطيك فيس
-اقول خلي الانجلش بعيد عن لسانش ها لان هو في جهة واتين في جهة ولاتسوي حالش عبقرينو
-ولاخير وياك ترا زهقتنا
-انتين الا زهقتيني انا بروح اشرب لي كوفي اهدي اعصابي
-روح فكنا ويش نستفيد من كلامك ؟ يعني تمبا بس تحرحرنا يعني اكفاية ان احنا عايشين في بيت متخلف
-متخلف في عينش لايسمعش ابويي احين ويسوي لش محاضرة
-اجل ويش تسمي هدي الحالة ؟ يعني مانقدر نطلع ويابنات حالنا حال الباقي والله صديقتي قالت ليي اني اروح وياهم مجمع الراشد والله اني تفشلت ماعرفت ويش اقول وطلعت ليي حجة اني تعبانه لمتى يعني بنضل هلون وبعدين نمبا نلبس عباية كتف حالنا حال بيت عمتي سميرة زي حورو ووتينو هم بوشو احسن منا يعني ؟
-احد قالش انش هدارة ؟
-مالت عليك وعليي لمن اتشكيت لك الحال
-انقلعي بس
فتح الباب وطلع اما هي رجعت تطلع ع الفلم وقالت بقهر لمروى :
-واتين لاوي ساكته وياوجهش ؟ احين هادا الشي لينا كلنا واذا ماتحدنا مافي فيدة ها
-انتين الا حارة عمرش وفي النهاية مابيتحقق الا تمبيه اني ماحبيت ادخل حالي في معركة خاسرة وبعدين الفلم ترا راح عليش نصه ماشفتي جولي تفلت ع ديفيد
مسكت بتول حب قرمط وفسفسته وتفلت القشور على مروى الي قالت ليها :
-ياحمارة ولاوي يعني ؟
-احين اني رجلي في الماي الحار واتين بكل بساطة تقول الفلم ومادري ويشو
-يعني تمبيني اقوم اصرخ ؟ وش فيش اتين خلاص احنا بنضل متخلفين طول حياتنا
-لااا مستحيل اني ماقدر اعيش كده وانشالله انخطب بس وافتك وصدقيني اول مايجي اليي واحد مابقبله الا اذا كان يسمع اغاني
-ول ! لاوي يعني ؟
-لان الي يسمع اغاني يكون متحرر وبيخليني على كيفي
-هدي وجهة نظرش؟
-ايي ويش اتحسبي اني كل يوم افكر قبل ماانام في الموضوع واتوصلت الى هدي النتيجة
-مايندرى يمكن
-لالا مويمكن الا اكيييد صدقيني بتقولي بتول قالت بس استني انخطب
-المشكلة ماحد يطق الباب
-وش قصدش ؟ ترا اني احلا منش على فكرة وبعدين الناس مصفعين مايشوفوا مادري كيفا
-الله اكبر صارو مايشوفوا عشان ماخطبوش ؟
-أيه اجل كل هالجمال والكمال ويخلوني
-امكن لان لسانش طويل
-ماحد غيرش وياويهش ترا اني وايد محترمتنش
-واضح
تكلمت لجين وهي تنشف دموعها بورق :
-هي اتون ترا بينتهي الفلم واتون تتشابقو اذا ماتبو تتابعو قومو ها
تكلمت بتول :
اما اني بسكت خلاص مامبا يفوتني الفلم
سكتت ومروى بعد سكتت وصاروا يشاهدوا .
][بتول :عمرها 19 سنة في الجامعة تدرس حاسب وكان ودها بالطب بس ابوها مارضى جمالها عادي ، ماتعتبر سمرا مرة فيها بياض شوي ،طويلة ،ضعيفة ،لابسة نظارة طبية وشعرها دايم مربوط قرعون من فوق لسانها طويل مرة ودايما تقول انهم بيت متخلف لان ابوهم ملتزم واجد ومايرضى يطلعوا الا ويا اخوهم اووياه ومايرضى ليهم يلبسوا كتف ولايقبل النقاش في موضوع العباية ودايما لمن تناقشه هي في أي شي يقول ليها الناس يمبوا يروحو النار انتين تمبي تروحي وياهم ؟ بسرعة تعصب وتتشابق][
][مروى :عمرها 17 سنة ويا بنت عمتها حوراء في المدرسة وفيه غيرة شوي من الناس ومايعجبها العجب وهمها المكياج جميلة وبيضا وشعرها لنص ظهرها ودايما تهتم فيه وزيوت وخرابيط وحتى وجهها لازم تحط فيه كريمات يعني باختصار ميته ع روحها ][
][لجين :عمرها 14 سنة ويا وتين في فصل هادية وباردة اعصاب شعرها لعند كتفها ودايم فالتنه وبيضا وقصيرة ماتعصب الا على الشي الا يستاهل وتموت ع المقالب وتحب تضحك واجد حساسة وكلا تصيح ع اقل شي فمن تشوف فلم حزين تصيح ][
قامت بتول بعدما خلص الفلم ومشت لفوق بتروح غرفتها ولما حطت رجلها على اخر عتبة صرخت صرخة هزت المكان وخلت لجين تقفز على مروى وتمسكها وهي تقول :
-اماااااااااييي ابويييييييي
اما بتول فشافت ---
